Падзеі

Беларусь і ШАС абмеркавалі паглыбленне супрацоўніцтва ў палітычнай і культурна-гуманітарнай сферах

Юрый Сянько і Чжан Мін. Фота mfa.gov.by

3 лютага, Мінск /Кар. БЕЛТА/. У сакратарыяце ШАС у Пекіне адбылася сустрэча Надзвычайнага і Паўнамоцнага Пасла Беларусі ў Кітаі Юрыя Сянько з генеральным сакратаром Шанхайскай арганізацыі супрацоўніцтва Чжан Мінам. Аб гэтым карэспандэнту БЕЛТА паведамілі ў беларускай дыпламатычнай місіі ў КНР.

"У час размовы абмеркаваны пытанні ўзаемадзеяння Беларусі і ШАС. Беларусь мае статус дзяржавы - наглядальніка ў Шанхайскай арганізацыі супрацоўніцтва. На сустрэчы размова ішла ў тым ліку аб далейшым паглыбленні супрацоўніцтва ў палітычнай, эканамічнай і культурна-гуманітарнай сферах", - гаворыцца ў паведамленні пасольства.

Была пацверджана ўзаемная гатоўнасць да пастаяннага дыялогу паміж сакратарыятам ШАС і пасольствам Рэспублікі Беларусь у КНР.

Акрамя таго, асаблівая ўвага ў ходзе сустрэчы была ўдзелена зімовым Алімпійскім гульням 2022 года ў Пекіне, дзе будуць прадстаўлены нацыянальныя зборныя "шанхайскай сям'і".

версія для друку

зрабіць стартавай

дабавіць у выбранае