Падзеі

Беларусь і Іран настроены на далейшае канструктыўнае міжпарламенцкае ўзаемадзеянне

Фота пасольства Беларусі ў Іране

28 жніўня, Мінск /Аліна Грышкевіч - БЕЛТА/. Беларусь і Іран настроены на далейшае канструктыўнае міжпарламенцкае ўзаемадзеянне. Гэта было ўзаемна пацверджана на праведзенай 27 жніўня сустрэчы Надзвычайнага і Паўнамоцнага Пасла Беларусі ў Іране Юрыя Лазарчыка са спецыяльным памочнікам старшыні Сходу ісламскага савета Ірана - генеральным дырэктарам дэпартамента па міжнародных пытаннях Хасэйнам Амірам Абдалахіянам. Аб гэтым паведамілі карэспандэнту БЕЛТА ў дыпламатычнай місіі Беларусі ў Тэгеране.

Бакі адзначылі плённы характар міжпарламенцкага супрацоўніцтва Беларусі і Ірана, абмеркавалі актуальныя пытанні двухбаковага ўзаемадзеяння ў палітычнай, гандлёва-эканамічнай, дагаворна-прававой сферах. Хасэйн Амір Абдалахіян выказаў задавальненне ўзроўнем узаемадзеяння заканадаўчых органаў дзвюх дзяржаў і падкрэсліў зацікаўленасць іранскага боку ў прадаўжэнні канструктыўнага супрацоўніцтва.

У сваю чаргу Юрый Лазарчык выказаў надзею на дасягненне практычных вынікаў сумеснай работы профільных парламенцкіх камітэтаў у мэтах дасягнення высокіх паказчыкаў двухбаковага супрацоўніцтва на карысць народаў Беларусі і Ірана.

Пасля завяршэння сустрэчы беларускі бок перадаў Хасэйну Аміру Абдалахіяну падзячнае пасланне кіраўніцтва Палаты прадстаўнікоў Нацыянальнага сходу ў адрас старшыні Сходу ісламскага савета Ірана Алі Ларыджані ў адказ на віншаванне з Днём Незалежнасці Беларусі.

версія для друку

зрабіць стартавай

дабавіць у выбранае