Падзеі
Беларусь і Літва абмяркуюць узаемадзеянне ва ўмовах членства ў ЕАЭС і ЕС
16 красавіка, Мінск /Таццяна Паляжай - БЕЛТА/. Узаемадзеянне Беларусі і Літвы ва ўмовах членства, адпаведна, у Еўразійскім эканамічным саюзе і Еўрасаюзе будзе абмеркавана ў час візіту першага намесніка міністра замежных спраў Беларусі Аляксандра Міхневіча ў Літву. Аб гэтым паведаміў сёння журналістам начальнік упраўлення інфармацыі - прэс-сакратар МЗС Беларусі Дзмітрый Мірончык, перадае карэспандэнт БЕЛТА.
Плануецца, што Аляксандр Міхневіч правядзе перагаворы з віцэ-міністрам замежных спраў Літвы Андрусам Крывасам, а таксама сустрэнецца з першым намеснікам старшыні сейма Літвы Відасам Гедвіласам.
У свой першы дзень візіту, 16 красавіка, першы намеснік міністра замежных спраў Беларусі таксама сустрэнецца з кіраўніцтвам Канфедэрацыі прамыслоўцаў Літвы і Літоўскай нацыянальнай асацыяцыі аўтамабільных перавозчыкаў "Лінава".
версія для друку
зрабіць стартавай
дабавіць у выбранае