Падзеі

Беларусь і Кыргызстан рыхтуюцца да правядзення мерапрыемстваў у шматбаковым і двухбаковым фарматах

20 красавіка, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Кыргызскай Рэспубліцы Андрэй Страчко 20 красавіка сустрэўся з намеснікам міністра замежных спраў Кыргызскай Рэспублікі Айбекам Малдагазіевым. Аб гэтым карэспандэнту БЕЛТА паведамілі ў беларускім знешнепалітычным ведамстве.

У ходзе сустрэчы абмеркаваны актуальныя пытанні беларуска-кыргызскага ўзаемадзеяння, у тым ліку стан і перспектывы гандлёва-эканамічнага супрацоўніцтва. На перагаворах размова ішла таксама аб ходзе рэалізацыі сумесных праектаў, планах па падрыхтоўцы і правядзенні мерапрыемстваў на шматбаковым і двухбаковым узроўнях.

Дыпламатычныя адносіны паміж Рэспублікай Беларусь і Кыргызскай Рэспублікай устаноўлены 21 студзеня 1993 года. У абедзвюх краінах адкрыты пасольствы. У 2021 годзе тавараабарот з Кыргызскай Рэспублікай склаў $97,1 млн, у тым ліку экспарт $86,2 млн. Аснову беларускага экспарту ў Кыргызстан у 2021 годзе склалі харчовыя тавары.

версія для друку

зрабіць стартавай

дабавіць у выбранае