Падзеі

Беларусь і Кенія абмеркавалі супрацоўніцтва ў сферы спорту і турызму

Фота belarustourism.by

5 красавіка, Мінск /Кар. БЕЛТА/. Намеснік міністра спорту і турызму Беларусі Алег Андрэйчык сустрэўся з Надзвычайным і Паўнамоцным Паслом Рэспублікі Кенія ў Расійскай Федэрацыі Бенсанам Генры Аума Агуту, які курыруе пытанні па ўзаемадзеянні з Беларуссю, паведамілі БЕЛТА ў Нацыянальным агенцтве па турызме.

"Сённяшняя сустрэча будзе садзейнічаць наладжванню супрацоўніцтва паміж нашымі краінамі ў турыстычнай і спартыўнай сферах. Кенія - адна з найбольш развітых краін усходняй Афрыкі, у тым ліку ў развіцці турызму і спорту. На Алімпійскіх гульнях кенійскія спартсмены заваявалі 25 медалёў у спаборніцтвах па лёгкай атлетыцы і боксе. Асабліва вядомы ў свеце кенійскія бегуны на сярэднія і доўгія дыстанцыі, якія вядуць падрыхтоўку на мясцовых базах ва ўмовах высакагор'я. Турыстычная галіна складае важкую частку ВУП. Сёння мы дамовіліся дэталёва адпрацаваць дарожную карту ўзаемавыгаднага супрацоўніцтва на бліжэйшыя гады, у якой вялікая ўвага будзе ўдзяляцца падрыхтоўцы кадраў, спартыўнай навуцы і медыцыне, абмену дэлегацыямі для ўдзелу ў спаборніцтвах і падрыхтоўцы да іх, развіццю турыстычнага патэнцыялу дзвюх краін і шмат іншага", - адзначыў Алег Андрэйчык.

Ад беларускага боку ў сустрэчы прынялі ўдзел дырэктар Нацыянальнага Агенцтва па турызме Дзмітрый Марозаў, начальнік аддзела маркетынгу і якасці турыстычных паслуг Дэпартамента па турызме Міністэрства спорту і турызму Ірына Мельгуй, дырэктар ТАА "Топ-Тур" Іван Чура.

версія для друку

зрабіць стартавай

дабавіць у выбранае