Падзеі

Беларусь і ЮНІСЕФ абмеркавалі ўзаемадзеянне па краінавай праграме на 2021-2025 гады

У час сустрэчы. Фота МЗС

11 верасня, Мінск /Кар. БЕЛТА/. Міністр замежных спраў Беларусі Уладзімір Макей сёння сустрэўся з новым прадстаўніком Дзіцячага фонду ААН (ЮНІСЕФ) у Беларусі Таняй Радачай. Аб гэтым БЕЛТА паведамілі ў прэс-службе МЗС.

Кіраўнік знешнепалітычнага ведамства павіншаваў Таню Радачай з назначэннем і прыбыццём у Мінск і пажадаў ёй плённай працы ў Беларусі.

Субяседнікі абмеркавалі далейшае ўзаемадзеянне Беларусі і ЮНІСЕФ па чарговай краінавай праграме фонду на 2021-2025 гады. Краінавая праграма была адобрана Выканаўчым саветам ЮНІСЕФ 10 верасня ў Нью-Ёрку. Яе асноўныя задачы - абарона дзяцей ад насілля, стварэнне бяспечнага і здаровага асяроддзя для іх развіцця, у тым ліку ў кіберпрасторы, развіццё сістэмы аднаўленчага правасуддзя для непаўналетніх.

Бакі таксама абмеркавалі садзейнічанне ЮНІСЕФ у пераадоленні каранавіруснай пандэміі ў Беларусі.

На сустрэчы Уладзімір Макей праінфармаваў аб грамадска-палітычнай сітуацыі ў краіне.

версія для друку

зрабіць стартавай

дабавіць у выбранае