Падзеі
Беларусь і ФРГ плануюць развіваць супрацоўніцтва ў сферы ўстойлівага развіцця
24 студзеня, Мінск /Кар. БЕЛТА/.
Намеснік міністра эканомікі Дзмітрый Матусевіч сустрэўся з начальнікам упраўлення супрацоўніцтва з краінамі Усходняй Еўропы, Цэнтральнай Азіі і Паўднёвага Каўказа, Блізкага Усходу і Паўночнай Афрыкі Міністэрства навакольнага асяроддзя, аховы прыроды, будаўніцтва і бяспекі ядзерных рэактараў Германіі
Юргенам Кайнхорстам і паслом ФРГ у Беларусі Петэрам Дэтмарам.У час сустрэчы абмеркаваны пытанні супрацоўніцтва ў сферы ўстойлівага развіцця, у тым ліку развіцця зялёнай эканомікі, абазначаны прыярытэтныя напрамкі. Юрген Кайнхорст праінфармаваў аб перспектыўных для Беларусі праектах, а таксама выказаў вялікую цікавасць да супрацоўніцтва непасрэдна з Мінэканомікі.
Удзельнікі сустрэчы дамовіліся аб магчымым далейшым супрацоўніцтве Міністэрства эканомікі Беларусі з ФРГ і Еўрапейскім саюзам у ходзе сустрэч нацыянальных і міжнародных каардынатараў і экспертаў па дасягненні Мэт устойлівага развіцця.
версія для друку
зрабіць стартавай
дабавіць у выбранае