Падзеі
Беларусь і Азербайджан рыхтуюць сумесную праграму развіцця супрацоўніцтва ў адукацыі
23 верасня, Мінск /Кар. БЕЛТА/. Беларусь і Азербайджан рыхтуюць сумесную праграму развіцця супрацоўніцтва ў галіне адукацыі. Яе падрыхтоўку абмеркавалі 22 верасня Надзвычайны і Паўнамоцны Пасол Беларусі ў Азербайджане Генадзь Ахрамовіч і міністр адукацыі Азербайджана Мікаіл Джабараў, паведамілі БЕЛТА ў прэс-службе беларускага МЗС.
У час сустрэчы разглядаліся пытанні двухбаковага супрацоўніцтва ў адукацыйнай сферы, у тым ліку ў вышэйшай і сярэдняй спецыяльнай адукацыі, а таксама падрыхтоўка сумеснай праграмы развіцця супрацоўніцтва ў галіне адукацыі, праінфармавалі ў МЗС.
"Бакі пацвердзілі гатоўнасць развіваць беларуска-азербайджанскае ўзаемадзеянне ў пытаннях падрыхтоўкі спецыялістаў у навучальных установах дзвюх краін па найбольш запатрабаваных спецыяльнасцях, а таксама прадоўжыць работу па пашырэнні кантактаў паміж ВНУ", - адзначылі ў прэс-службе.
версія для друку
зрабіць стартавай
дабавіць у выбранае