Падзеі

Беларусь і Азербайджан маюць намер прадаўжаць сумесныя праекты ў сферы бяспекі

28 ліпеня, Мінск /Кар. БЕЛТА/. У Мінску 28 ліпеня адбылася сустрэча дзяржаўнага сакратара Савета бяспекі Рэспублікі Беларусь Аляксандра Вальфовіча з Надзвычайным і Паўнамоцным Паслом Азербайджанскай Рэспублікі ў Беларусі Лаціфам Гандзілавым. Аб гэтым карэспандэнту БЕЛТА паведамілі ў Дзяржсакратарыяце Савета бяспекі.

На сустрэчы былі комплексна абмеркаваны вынікі шматгадовага міждзяржаўнага ўзаемадзеяння ў розных сферах, а таксама вынікі двухбаковага супрацоўніцтва ў галіне забеспячэння бяспекі дзвюх краін.

Дзяржаўны сакратар Савета бяспекі выказаў удзячнасць паслу Азербайджана за вялікі асабісты ўклад у развіццё стратэгічнага партнёрства паміж дзяржавамі і актыўны ўдзел у падтрыманні ўзаемавыгаднага беларуска-азербайджанскага дыялогу.

Бакі запэўнілі адзін аднаго ў далейшым умацаванні кантактаў і прадаўжэнні сумесных праектаў у сферы бяспекі.

версія для друку

зрабіць стартавай

дабавіць у выбранае