Падзеі

Беларусь і Арменія будуць супрацоўнічаць у судова-экспертнай сферы

25 мая, Мінск /Кар. БЕЛТА/. Дзяржаўны камітэт судовых экспертыз падпісаў пагадненне аб супрацоўніцтве з Міністэрствам юстыцыі Арменіі, паведамілі БЕЛТА ў прэс-службе ДКСЭ па выніках візіту ў камітэт замежнай дэлегацыі, які адбыўся 24 мая.

Дакумент падпісалі старшыня Дзяржкамітэта судовых экспертыз Аляксей Волкаў і міністр юстыцыі Арменіі Карэн Андрэасян.

Мяркуецца, што эксперты дзвюх краін будуць супрацоўнічаць у галіне навукова-даследчых работ па праблемах судова-экспертнай дзейнасці, сумесна распрацоўваць метады і методыкі, абменьвацца вопытам экспертнай практыкі, праходзіць узаемныя стажыроўкі.

На афіцыйным мерапрыемстве, якое прайшло ў будынку цэнтральнага апарату ДКСЭ, таксама прынялі ўдзел пасол Арменіі ў Беларусі Размік Хумаран і пасол Беларусі ў Арменіі Аляксандр Канюк.

У ходзе візіту госці азнаёміліся са структурай і асноўнымі напрамкамі дзейнасці камітэта, тэхнічным аснашчэннем і магчымасцямі лабараторый даследавання наркатычных сродкаў, псіхатропных рэчываў, іх прэкурсораў і аналагаў, гемалагічнай, лабараторый спектральнага аналізу, даследаванні металаў і сплаваў, прадуктаў выстралу, даследаванні нафтапрадуктаў. Таксама ў дэлегацыі была магчымасць азнаёміцца з прадукцыяй падпарадкаванага дзяржкамітэту прадпрыемства "Белсудэкспертзабеспячэнне", адукацыйнымі праграмамі Інстытута павышэння кваліфікацыі і перападрыхтоўкі кадраў, дзейнасцю Навукова-практычнага цэнтра дзяржкамітэта.

Па выніках візіту бакі абмяняліся меркаваннямі па найбольш актуальных напрамках супрацоўніцтва.

версія для друку

зрабіць стартавай

дабавіць у выбранае