Падзеі

11 красавіка, Мінск /Кар. БЕЛТА/. Беларусь і Аргенціна могуць падпісаць пагадненне па бязвізавых паездках для грамадзян абедзвюх краін, паведамілі БЕЛТА ў прэс-службе Міністэрства замежных спраў Беларусі.

Перспектывы падпісання такога пагаднення абмяркоўваліся ў ходзе сустрэчы Надзвычайнага і Паўнамоцнага Пасла Беларусі ў Аргенціне Віктара Козінцава з нацыянальным дырэктарам па міграцыі Аргенціны Арасіа Хасэ Гарсіа.

У прэс-службе адзначылі, што бакі таксама абмеркавалі стан супрацоўніцтва па міграцыйных пытаннях, магчымасці наладжвання абмену вопытам і дэлегацыямі профільных ведамстваў.