Падзеі

18 студзеня, Мінск /Кар. БЕЛТА/. Надзвычайны і Паўнамоцны Пасол Беларусі ў ААЭ Раман Галоўчанка на сустрэчы з намеснікам міністра замежных спраў і міжнароднага супрацоўніцтва ААЭ Мухамедам Шарафам абмеркаваў пытанні падрыхтоўкі чацвёртага пасяджэння сумеснага камітэта па супрацоўніцтве паміж урадамі абедзвюх краін. Аб гэтым БЕЛТА паведамілі ў прэс-службе беларускага знешнепалітычнага ведамства.

"Бакі абмеркавалі пытанні рэалізацыі дамоўленасцей, дасягнутых у рамках трэцяга пасяджэння Сумеснага камітэта па супрацоўніцтве паміж урадам Рэспублікі Беларусь і ўрадам ААЭ, тэрміны правядзення чарговага чацвёртага пасяджэння камітэта і яго папярэдні парадак дня", - расказалі ў МЗС.

На сустрэчы таксама былі разгледжаны пытанні актывізацыі гандлёва-эканамічнага і інвестыцыйнага супрацоўніцтва, развіцця двухбаковай дагаворна-прававой базы, узаемадзеяння ў галіне транспарту і лагістыкі, навукі, культуры, спорту.

Трэцяе пасяджэнне сумеснага камітэта па супрацоўніцтве прайшло ў Мінску 15-16 снежня 2016 года. Па яго выніках быў падпісаны шэраг міжнародных дакументаў, сярод якіх Мемарандум аб узаемаразуменні ў галіне нагляду за страхавой дзейнасцю паміж Міністэрствам фінансаў Беларусі і Агенцтвам па страхаванні ААЭ, Мемарандум аб супрацоўніцтве і сумеснай дзейнасці паміж ДКНТ Беларусі і Міністэрствам адукацыі ААЭ, Мемарандум аб узаемаразуменні паміж урадам Беларусі і ўрадам ААЭ аб супрацоўніцтве ў галіне культуры.