Падзеі

Барысевіч і пасол Палесціны абмяняліся меркаваннямі аб сітуацыі ў блізкаўсходнім рэгіёне

4 лістапада, Мінск /Кар. БЕЛТА/. Намеснік міністра замежных спраў Беларусі Мікалай Барысевіч сустрэўся з Надзвычайным і Паўнамоцным Паслом Дзяржавы Палесціна ў Рэспубліцы Беларусь, дуаенам дыпламатычнага корпуса Халедам Арыкатам. Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.

У ходзе сустрэчы бакі абмеркавалі перспектывы развіцця двухбаковага ўзаемадзеяння з акцэнтам на актывізацыю гандлёва-эканамічнага супрацоўніцтва і палітычнага дыялогу.

Адбыўся абмен меркаваннямі аб бягучай сітуацыі ў блізкаўсходнім рэгіёне. Субяседнікі абмеркавалі таксама шэраг пытанняў жыццядзейнасці дыпламатычнага корпуса ў Рэспубліцы Беларусь.

версія для друку

зрабіць стартавай

дабавіць у выбранае