Падзеі

19 студзеня, Масква /Эдуард Півавар - БЕЛТА/. Генеральны сакратар АДКБ Мікалай Бардзюжа лічыць неабходным дабівацца рэалізацыі мінскіх дамоўленасцей для вырашэння канфлікту на паўднёвым усходзе Украіны. Аб гэтым гаворыцца ў яго каментарыі ў сувязі з кровапраліццем, якое прадаўжаецца на ўкраінскай тэрыторыі, паведаміў БЕЛТА прэс-сакратар АДКБ Уладзімір Зайнетдзінаў.

"Сур'ёзную заклапочанасць выклікаюць апошнія падзеі на паўднёвым усходзе Украіны. Адбываецца ўзмацненне канфрантацыі, актывізацыя баявых дзеянняў, у выніку чаго гінуць ваеннаслужачыя, мірныя людзі, разбураецца жыллё, бальніцы, школы", - адзначыў генеральны сакратар АДКБ. Ён падкрэсліў, што ніколі яшчэ баявыя дзеянні не прыводзілі да міру і ўрэгулявання палітычных супярэчнасцей.

Мікалай Бардзюжа рашуча падтрымлівае неабходнасць спынення крывавага ўзброенага процістаяння, лічыць недапушчальным далейшую эскалацыю канфлікту, заклікае да прадаўжэння пошуку шляхоў яго мірнага вырашэння. "Надзвычай важна выкарыстоўваць для гэтага ўсе існуючыя магчымасці, у першую чаргу дабівацца рэалізацыі мінскіх дамоўленасцей, няўхільнага захавання рэжыму цішыні, адводу цяжкай артылерыі ад лініі сутыкнення", - адзначыў ён.

Генеральны сакратар АДКБ выказаў упэўненасць, што толькі палітычнымі сродкамі на аснове ўліку інтарэсаў усіх грамадзян Украіны можна выйсці з існуючай вельмі цяжкай сітуацыі і стаць на шлях дасягнення міру.