Падзеі

Авіякампанія Red Wings з 18 лістапада запускае рэгулярныя рэйсы з Самары ў Мінск

Фота з архiва

1 лістапада, Мінск /Кар. БЕЛТА/. Расійская авіякампанія Red Wings з 18 лістапада адкрывае палётную праграму з Самары ў Мінск, паведамляе БЕЛТА са спасылкай на Нацыянальны аэрапорт Мінск.

Маршрут будзе абслугоўваць паветранае судна Sukhoі Superjet на 100 пасажырскіх крэслаў. Пераадолець адлегласць амаль 1,8 тыс. км можна будзе за 2,5 гадзіны. Палёты будуць выконвацца адзін раз на тыдзень па суботах. Білеты можна набыць на афіцыйным сайце авіякампаніі, у мабільным дадатку, а таксама ў касах аэрапорта.

Самара стане другім напрамкам авіяперавозчыка з мінскага аэрапорта. У прэс-службе нагадалі, што з 6 сакавіка гэтага года Red Wings выконвае палёты на лініі Уфа - Мінск - Уфа.

версія для друку

зрабіць стартавай

дабавіць у выбранае