Падзеі
Алімаў: Беларусь першая ў гісторыі ШАС перайшла са статусу партнёра па дыялогу ў статус наглядальніка
13 чэрвеня, Пекін /Аліна Грышкевіч - БЕЛТА/. Беларусь - першая краіна ў гісторыі Шанхайскай арганізацыі супрацоўніцтва, якая перайшла са статусу партнёра па дыялогу ў статус наглядальніка. Аб гэтым паведаміў генеральны сакратар ШАС Рашыд Алімаў, адказваючы на пытанне карэспандэнта БЕЛТА, на сустрэчы з журналістамі краін ШАС, якая адбылася ў штаб-кватэры арганізацыі ў Пекіне напярэдадні 15-годдзя гэтай структуры і юбілейнага Ташкенцкага саміту.
Кіраўнік Шанхайскай арганізацыі супрацоўніцтва таксама паведаміў, што маючы адбыцца ў Ташкенце саміт будзе першым для Беларусі, у якім яна прыме ўдзел як наглядальнік. На яго думку, краіна цудоўна сябе паказала, калі была партнёрам па дыялогу ШАС.
"Кожны саміт ШАС - гэта выключна важная падзея ў жыцці арганізацыі, - звярнуў увагу Рашыд Алімаў. - Няма сумненняў, што юбілейны саміт унясе свой асаблівы ўклад у падтрыманне міру і стабільнасці ў рэгіёне і ў свеце, у забеспячэнне ўстойлівага эканамічнага развіцця і культурна-гуманітарных сувязей на шырокай прасторы Шанхайскай арганізацыі супрацоўніцтва".
версія для друку
зрабіць стартавай
дабавіць у выбранае