Падзеі

Алейнік: Беларусь будзе падтрымліваць міжнародныя ініцыятывы, накіраваныя на пошук кампрамісных рашэнняў

23 кастрычніка, Мінск /Кар. БЕЛТА/. Беларусь будзе падтрымліваць міжнародныя ініцыятывы, накіраваныя на пошук кампрамісных рашэнняў. Аб гэтым міністр замежных спраў Беларусі, старшыня Нацыянальнай камісіі па справах ЮНЕСКА Сяргей Алейнік заявіў на ўрачыстым мерапрыемстве, прымеркаваным да 20-годдзя Канвенцыі ЮНЕСКА аб ахове нематэрыяльнай культурнай спадчыны, перадае карэспандэнт БЕЛТА.

Выканаўчы савет ЮНЕСКА нядаўна прыняў рашэнне аб святкаванні 17 кастрычніка Міжнароднага дня нематэрыяльнай культурнай спадчыны. Беларусь выступіла суаўтарам гэтага рашэння. Кіраўнік знешнепалітычнага ведамства запэўніў, што рэспубліка і ў далейшым будзе падтрымліваць любыя ініцыятывы ў ЮНЕСКА, якія садзейнічаюць канструктыўнаму дыялогу, пераадоленню раздзяляльных ліній паміж краінамі і народамі.

"Для нас важны ініцыятывы, якія працуюць на аб'яднальны парадак дня, на пошук кампрамісных, узаемапрымальных рашэнняў, што нацэлены на мір, стварэнне і развіццё", - падкрэсліў Сяргей Алейнік.

версія для друку

зрабіць стартавай

дабавіць у выбранае