Падзеі

Алейнік: 120 удзельнікаў з 30 краін пацвердзілі удзел у Міжнароднай канферэнцыі па еўразійскай бяспецы

Фота з архiва

19 кастрычніка, Мінск /Кар. БЕЛТА/. Амаль 120 удзельнікаў з 30 краін пацвердзілі свой удзел у Міжнароднай канферэнцыі высокага ўзроўню "Еўразійская бяспека: рэальнасць і перспектывы ў трансфармуемым свеце", якая 26-27 кастрычніка пройдзе ў Мінску. Аб гэтым расказаў журналістам міністр замежных спраў Беларусі Сяргей Алейнік, перадае карэспандэнт БЕЛТА.

Міністр выказаў меркаванне, што ў цяперашніх геапалітычных умовах арганізацыя такога форуму патрабуе значных намаганняў. "Зразумела, што арганізаваць такую дыскусію вельмі няпроста, - сказаў ён. - У цяперашніх умовах нам вельмі важна прадаўжаць дыялог па пытаннях бяспекі".

Беларускі бок разлічвае правесці шырокую дыскусію па пытаннях еўразійскай бяспекі на пляцоўцы гэтай канферэнцыі. "Спадзяёмся, што гэта дыскусія дасць магчымасць нам хаця б у першым прыбліжэнні сфармуляваць пэўнае бачанне перспектыў умацавання бяспекі ў рэгіёне", - сказаў міністр.

версія для друку

зрабіць стартавай

дабавіць у выбранае