Падзеі
Аліеў адзначае высокі ўзровень адносін і ўзаемаразумення паміж Беларуссю і Азербайджанам
11 жніўня, Мінск /Кар. БЕЛТА/. Прэзідэнт Азербайджана Ільхам Аліеў адзначае высокі ўзровень беларуска-азербайджанскіх адносін і ўзаемаразумення паміж краінамі. Аб гэтым ён заявіў 10 жніўня на сустрэчы з Надзвычайным і Паўнамоцным Паслом Беларусі ў Азербайджане Мікалаем Пацкевічам, які завяршае сваю дыпламатычную місію ў гэтай краіне, паведамілі БЕЛТА ў прэс-службе беларускага МЗС.
"Ільхам Аліеў адзначыў высокі ўзровень адносін і ўзаемаразумення паміж Беларуссю і Азербайджанам, а таксама падкрэсліў, што галоўным вынікам узаемадзеяння з'яўляецца ўмацаванне дружбы паміж двума народамі, захаванне высокай ступені шчырасці, даверу, падтрымкі і ўзаемапавагі паміж беларусамі і азербайджанцамі на ўсіх узроўнях", - падкрэслілі ў прэс-службе.
У час сустрэчы абмяркоўваліся магчымасці правядзення сумесных мерапрыемстваў, перспектыўныя праекты і напрамкі двухбаковага супрацоўніцтва, які ўяўляюць узаемны інтарэс.
Мікалай Пацкевіч выказаў удзячнасць кіраўніку Азербайджана за падтрымку, а таксама адзначыў, што дзвюм краінам удалося істотна рушыць наперад ва ўсіх сферах двухбаковага супрацоўніцтва.
версія для друку
зрабіць стартавай
дабавіць у выбранае