Беларусь на конкурсе "Еўрабачанне-2010" у Осла
Беларусь на конкурсе "Еўрабачанне-2010" у Осла прадставіла група "Тры плюс два" з песняй "Butterflies".
Гісторыя групы "Тры плюс два" - прадстаўніка Беларусі на "Еўрабачанні-2010"
Група "Тры плюс два" сваім узнікненнем абавязана двум музычным праектам беларускага тэлеканала АНТ.
У ходзе праекта "Новыя галасы Беларусі", рэалізаванага ў 2009 годзе, вызначыліся некалькі новых маладых выканаўцаў, якія сталі любімцамі беларускіх тэлегледачоў.
Потым у рамках праекта "Музычны суд" гэтыя маладыя вакалісты выконвалі песні, што прысылаліся на конкурс, аб'яўлены тэлеканалам АНТ, а эксперты і гледачы выбіралі з гэтых песень лепшую.
У ходзе гэтых двух праектаў і склалася новая група "Тры плюс два", якая стала прадстаўніком Беларусі на конкурсе "Еўрабачанне-2010".
Склад групы "Тры плюс два" - прадстаўніка Беларусі на "Еўрабачанні-2010"
Юлія Шышко - 21 год, студэнтка музычнага аддзялення Беларускага дзяржаўнага універсітэта культуры і мастацтваў, салістка Прэзідэнцкага аркестра Рэспублікі Беларусь.
Егіязар Фарашан - 21 год, студэнт Беларускага дзяржаўнага універсітэта культуры і мастацтваў, вывучае эстрадныя спевы.
Алена і Нінель Карповіч - сёстры-блізняты, 25 гадоў, студэнткі Беларускай дзяржаўнай акадэміі музыкі, салісткі Прэзідэнцкага аркестра Рэспублікі Беларусь.
Арцём Міхаленка - 20 гадоў, студэнт Беларускага дзяржаўнага універсітэта культуры і мастацтваў, саліст Прэзідэнцкага аркестра Рэспублікі Беларусь.
Вядомы шведскі кампазітар Роберт Вэлс, складальнік музыкі для Алімпійскіх гульняў у Пекіне ў 2008 годзе, акампаніраваў групе "Тры плюс два" на конкурсе "Еўрабачанне-2010".
Песня, з якой Беларусь была прадстаўлена на "Еўрабачанні-2010"
Прадстаўнік Беларусі група "Тры плюс два" выканаў на "Еўрабачанні-2010" песню "Butterflies" ("Матылькі"), музыку да якой напісаў Макс Фадзееў, словы - польская паэтэса Малька Чаплін. (Раней планавалася, што яна выступіць з песняй "Far away").
Праслухаць песню "Butterflies" ("Матылькi")
версія для друку
зрабіць стартавай
дабавіць у выбранае
