Рэспубліканскі аматарскі турнір па хакеі ў Беларусі

Рэспубліканскі турнір па хакеі з шайбай сярод аматарскіх каманд на прызы Прэзідэнцкага спартыўнага клуба – адно з самых значных спаборніцтваў сярод аматараў гэтага віду спорту ў Беларусі. Высокі статус і ўзровень турніру абумоўлены не толькі асабістым удзелам у ім кіраўніка дзяржавы. Ахоп усіх рэгіёнаў краіны, прадстаўнічыя склады каманд і дастаткова высокі для аматараў узровень майстэрства прыцягваюць усё больш балельшчыкаў на трыбуны, а гэта значыць, што папулярнасць хакея і здаровага ладу жыцця ў краіне расце. Многія беларускія легендарныя ігракі з задавальненнем удзельнічаюць у рэспубліканскіх аматарскіх спаборніцтвах.