Падзеі

9 сакавіка, Мінск /Аліна Грышкевіч - БЕЛТА/. Міністр аліі і абсорбцыі Софа Ландвер на чале ізраільскай дэлегацыі 12-14 сакавіка наведае Беларусь. Аб гэтым паведаміў сёння на брыфінгу начальнік упраўлення інфармацыі - прэс-сакратар МЗС Беларусі Дзмітрый Мірончык, перадае карэспандэнт БЕЛТА.

У склад дэлегацыі ўвойдуць таксама прадстаўнікі МЗС, розных ведамстваў і дзелавых колаў Ізраіля. Плануецца сустрэча кіраўніка беларускага МЗС Уладзіміра Макея з Софай Ландвер для абмеркавання ўсяго комплексу актуальных пытанняў двухбаковага супрацоўніцтва, у тым ліку звязаных з 25-годдзем устанаўлення беларуска-ізраільскіх дыпламатычных адносін.

Прадугледжана правядзенне пятага пасяджэння сумеснага беларуска-ізраільскага камітэта па гандлёвым і эканамічным супрацоўніцтве пад старшынствам віцэ-прэм'ера Міхаіла Русага і Софы Ландвер.