Падзеі

Знешнепалітычныя ведамствы Беларусі і Кыргызстана падпісалі праграму супрацоўніцтва на 2025-2026 гады

Фота МЗС

29 лістапада, Мінск /Кар. БЕЛТА/. Знешнепалітычныя ведамствы Беларусі і Кыргызстана падпісалі праграму супрацоўніцтва на 2025-2026 гады. Цырымонія адбылася па выніках чарговага раўнда беларуска-кыргызскіх кансультацый паміж міністэрствамі замежных  спраў у Бішкеку пад старшынствам намесніка міністра замежных спраў Беларусі Ігара Назарука і першага намесніка міністра замежных спраў Кыргызстана Асеіна Ісаева. Аб гэтым паведамляе БЕЛТА са спасылкай на прэс-службу МЗС.

Бакі абмеркавалі шырокі спектр актуальных пытанняў двухбаковых адносін з акцэнтам на ўзаемадзеянні ў інтэграцыйных арганізацыях (ЕАЭС, СНД, АДКБ) і на міжнародных пляцоўках (ААН, АБСЕ і інш.).

"Кіраўнікі дэлегацый выказалі задавальненне станам супрацоўніцтва ў двухбаковым і шматбаковым фарматах, а таксама пацвердзілі ўзаемнае імкненне садзейнічаць яго далейшаму развіццю па лініі МЗС дзвюх краін, - праінфармавалі ў прэс-службе МЗС. - Па выніках мерапрыемства падпісана Праграма супрацоўніцтва знешнепалітычных ведамстваў Беларусі і Кыргызстана на 2025-2026 гады".

У ходзе кансультацый таксама адбылася кароткая сустрэча Ігара Назарука з міністрам замежных спраў Кыргызстана Жээнбекам Кулубаевым. "Бакі абмеркавалі перспектывы развіцця беларуска-кыргызскіх адносін як у двухбаковым фармаце, так і ў рэгіянальных і ўніверсальных міжнародных арганізацыях", - адзначылі ў МЗС.

версія для друку

зрабіць стартавай

дабавіць у выбранае