Падзеі

Зась пачаў выконваць абавязкі генеральнага сакратара АДКБ

Станіслаў Зась. Фота з архіва

9 студзеня, Масква /Эдуард Півавар -  БЕЛТА/. Прадстаўнік Беларусі Станіслаў Зась, назначаны Саветам калектыўнай бяспекі АДКБ на пасаду генеральнага сакратара Арганізацыі Дагавора аб калектыўнай бяспецы, пачаў сёння выконваць свае абавязкі, паведаміў БЕЛТА прэс-сакратар АДКБ Уладзімір Зайнетдзінаў.

"Улічваючы, што ў 2020 годзе Расія старшынствуе ў АДКБ, новага генеральнага сакратара арганізацыі прадставіў калектыву Сакратарыята АДКБ намеснік міністра замежных спраў Расіі Аляксандр Панкін", - адзначыў прэс-сакратар.

Звяртаючыся да супрацоўнікаў сакратарыята, Станіслаў Зась сказаў, што назначэнне на пасаду генеральнага сакратара АДКБ для яго вялікі гонар і вялікая адказнасць. "Бачу сваю асноўную задачу ў тым, каб добрасумленна выконваць ускладзеныя на мяне абавязкі, кіруючыся выключна інтарэсамі забеспячэння калектыўнай бяспекі, каб АДКБ магла служыць сваім дзяржавам-членам і іх народам яшчэ больш эфектыўна", - адзначыў генеральны сакратар АДКБ.

Да назначэння на пасаду генеральнага сакратара АДКБ Станіслаў Зась займаў пасаду дзяржаўнага сакратара Савета бяспекі Беларусі.

версія для друку

зрабіць стартавай

дабавіць у выбранае