Падзеі
Харстэд адзначыў пазітыўны крок Беларусі да выканання рэкамендацый АБСЕ па выбарах
30 красавіка, Мінск /Кар. БЕЛТА/. Віцэ-старшыня Парламенцкай асамблеі Арганізацыі па бяспецы і супрацоўніцтве ў Еўропе (ПА АБСЕ), кіраўнік рабочай групы ПА АБСЕ па Беларусі Кент Харстэд выступіў з заявай наконт нядаўніх выказванняў старшыні Цэнтрвыбаркама Лідзіі Ярмошынай па выніках яе сустрэчы з Прэзідэнтам Беларусі, паведамілі БЕЛТА ў міжнародным сакратарыяце ПА АБСЕ.
"Беларускі ўрад зрабіў пазітыўны крок, пагадзіўшыся рэалізаваць некаторыя рэкамендацыі БДІПЧ АБСЕ, зробленыя ў хуткім часе пасля назірання за выбарамі ў краіне", - у прыватнасці заявіў Кент Харстэд.
Таксама ён адзначыў: "Цяпер застаецца ўбачыць, як на практыцы будуць ажыццяўляцца заявы, зробленыя на вышэйшым узроўні выбарнай адміністрацыі (ЦВК. - Заўвага БЕЛТА), у святле маючых адбыцца парламенцкіх выбараў".
Як паведамлялася, Кент Харстэд курыраваў работу наглядальнікаў ад ПА АБСЕ і БДІПЧ АБСЕ на прэзідэнцкіх выбарах у Беларусі ў 2015 годзе.
версія для друку
зрабіць стартавай
дабавіць у выбранае