Падзеі

Выбраны старшыні пастаянных камісій Палаты прадстаўнікоў восьмага склікання

3 красавіка, Мінск /Кар. БЕЛТА/. Выбраны старшыні пастаянных камісій Палаты прадстаўнікоў восьмага склікання, перадае карэспандэнт БЕЛТА.

Старшыні камісій выбраны тайным галасаваннем на пасяджэнні першай сесіі Палаты прадстаўнікоў Нацыянальнага сходу Рэспублікі Беларусь восьмага склікання.

Пастаянную камісію па заканадаўстве ўзначаліла Марына Лянчэўская, Пастаянную камісію па дзяржаўным будаўніцтве, мясцовым самакіраванні і рэгламенце - Валянцін Семяняка, Пастаянную камісію па нацыянальнай бяспецы - Генадзь Ляпешка, Пастаянную камісію па эканамічнай палітыцы - Віктар Нікалайкін, Пастаянную камісію па бюджэце і фінансах - Васіль Панасюк, Пастаянную камісію па аграрнай палітыцы - Іван Маркевіч, Пастаянную камісію па экалогіі і прыродакарыстанні - Жанна Чарняўская.

Старшынёй Пастаяннай камісіі па правах чалавека, нацыянальных адносінах і сродках масавай інфармацыі выбраны Мікалай Бузін, Пастаяннай камісіі па адукацыі, культуры і навуцы - Ігар Марзалюк, Пастаяннай камісіі па працы і сацыяльных пытаннях - Ірына Касцевіч, Пастаяннай камісіі па ахове здароўя, фізічнай культуры, сямейнай і маладзёжнай палітыцы - Валерый Малашка, Пастаяннай камісіі па прамысловасці, паліўна-энергетычным комплексе, транспарце і сувязі - Юрый Панфілаў, Пастаяннай камісіі па жыллёвай палітыцы, гандлі і будаўніцтве - Юрый Наркевіч, Пастаяннай камісіі па міжнародных справах - Сяргей Рачкоў.

У адпаведнасці з артыкулам 17 рэгламенту Палаты прадстаўнікоў у склад Савета Палаты прадстаўнікоў увайшлі старшыня Палаты прадстаўнікоў Ігар Сергяенка, намеснік старшыні Палаты прадстаўнікоў Вадзім Іпатаў, старшыні пастаянных камісій. Аб гэтым прынята адпаведная пастанова Палаты прадстаўнікоў.

версія для друку

зрабіць стартавай

дабавіць у выбранае