Падзеі

Варонежская вобласць зацікаўлена ў пашырэнні супрацоўніцтва з Беларуссю ў будаўніцтве

Фота з архiва

18 снежня, Мінск /Кар. БЕЛТА/. Варонежская вобласць зацікаўлена ў пашырэнні супрацоўніцтва з Беларуссю ў сферы будаўніцтва. Аб гэтым ішла размова ў час візіту дэлегацыі Міністэрства архітэктуры і будаўніцтва Беларусі ў гэты расійскі рэгіён, паведамляе БЕЛТА са спасылкай на сайт Мінбудархітэктуры.

Узначаліў беларускую дэлегацыю першы намеснік міністра архітэктуры і будаўніцтва Ігар Касцюкоў. Візіт прадугледжваў насычаную праграму і шырокі спектр пытанняў для абмеркавання. Перш за ўсё гэта датычыцца рэалізацыі сумеснага пілотнага праекта ў пасёлку гарадскога тыпу Стрэліца Семілуцкага раёна па будаўніцтве школы на 520 месцаў, удзелу беларускіх кампаній ТАА "БелінжынірынгбудІнвест" і ААТ "Будаўнічы трэст нумар 12" у будаўніцтве дашкольных і агульнаадукацыйных устаноў у Семілуцкім раёне, а таксама перспектыў выкарыстання беларускіх домакамплектаў пры рэалізацыі распрацоўваемай рэгіянальнай праграмы развіцця жыллёвага будаўніцтва на тэрыторыі Варонежскай вобласці.

Акрамя таго, беларуская дэлегацыя наведала Семілуцкі раён, дзе на месцы азнаёмілася з ходам будаўніцтва адукацыйнай установы, а таксама сустрэлася з кіраўніком адміністрацыі Семілуцкага муніцыпальнага раёна Варонежскай вобласці Генадзем Швырковым.

Як адзначылі ў ведамстве, завяршыўся візіт перагаворамі прадстаўнікоў будгаліны Беларусі з намеснікам старшыні ўрада Варонежскай вобласці Сяргеем Часцікіным па пытаннях двухбаковага супрацоўніцтва ў будаўнічай сферы ў адпаведнасці з раней дасягнутымі дамоўленасцямі.

версія для друку

зрабіць стартавай

дабавіць у выбранае