Падзеі

Вальфовіч на сустрэчах у Ерэване абмяняўся меркаваннямі з калегамі па АДКБ аб новых выкліках і пагрозах

Фота прадастаўлена дзяржаўным сакратарыятам Савета Бяспекі

16 чэрвеня, Мінск /Кар. БЕЛТА/. Дзяржаўны сакратар Савета бяспекі Беларусі Аляксандр Вальфовіч 16 чэрвеня ў Ерэване правёў двухбаковыя сустрэчы са сваімі калегамі з Арменіі і Казахстана, паведамілі карэспандэнту БЕЛТА ў Дзяржсакратарыяце.

Беларуская дэлегацыя прыбыла ў сталіцу Арменіі для ўдзелу ў чарговым пасяджэнні Камітэта сакратароў саветаў бяспекі дзяржаў - членаў АДКБ. Акрамя пытанняў шматбаковага супрацоўніцтва кіраўнікі дэлегацый дзяржаў-членаў абмеркавалі цэлы спектр ключавых напрамкаў двухбаковага ўзаемадзеяння.

У ходзе сустрэчы Аляксандра Вальфовіча з памочнікам прэзідэнта - сакратаром Савета бяспекі Казахстана Гізатам Нурдаўлетавым адбыўся грунтоўны абмен меркаваннямі па ацэнках новых выклікаў і пагроз у зоне адказнасці АДКБ. Была абмеркавана сумесная работа па выніках візіту ў мінулым годзе Аляксандра Вальфовіча ў Казахстан, намечаны далейшыя напрамкі рэалізацыі плана супрацоўніцтва паміж апаратамі саветаў бяспекі ў 2022-2023 гадах.

З сакратаром Савета бяспекі Арменіі Арменам Грыгаранам бакі сышліся на думцы актыўна прымяняць на практыцы патэнцыял беларуска-армянскага міждзяржаўнага супрацоўніцтва ў сферы бяспекі. Аляксандр Вальфовіч падзякаваў армянскаму калегу за цёплы прыём і гасціннасць, аказаныя беларускай дэлегацыі.

версія для друку

зрабіць стартавай

дабавіць у выбранае