Падзеі

Ва Уладзівастоку адкрылася аддзяленне консульства Беларусі

7 кастрычніка, Мінск /Кар. БЕЛТА/. Аддзяленне консульства Беларусі адкрылася ва Уладзівастоку. У цырымоніі прынялі ўдзел губернатар Прыморскага краю Алег Кажамяка і Надзвычайны і Паўнамоцны Пасол Беларусі ў РФ Уладзімір Сямашка, перадае ТАСС.

"Мы прынялі рашэнне перанесці аддзяленне пасольства з Хабараўска сюды, таму што зрушаны акцэнт у развіцці Далёкаўсходняй федэральнай акругі, - адзначыў Уладзімір Сямашка. - Мы - краіна з адкрытай эканомікай, павінны ўмець 70 працэнтаў свайго ВУП, інакш кажучы прадуктаў, паслуг прасоўваць у розных краінах. Расія для нас заўсёды была, ёсць і будзе асноўным партнёрам ва ўсіх адносінах. Я веру, што ў нашага аддзялення тут будзе цудоўная работа, усе ўмовы для яго створаны".

За восем месяцаў маем тавараабарот, як за ўвесь мінулы год, дадаў пасол.

Алег Кажамяка нагадаў, што рэгіён вядзе планамерную работу па ўмацаванні эканамічных і культурных сувязей з Беларуссю. "Мы бачым, што па ўсіх напрамках у нас ёсць прагрэс, ёсць і экспарт, і імпарт", - сказаў кіраўнік рэгіёна, адзначыўшы, што ў 30 працэнтаў прыморцаў ёсць беларускія карані.

Напярэдадні адкрыўся фестываль "Дні Рэспублікі Беларусь у Прыморскім краі", на галоўнай плошчы Уладзівастока выставілі камунальную, сельскагаспадарчую і будаўнічую тэхніку машынабудаўнічых заводаў. Сваю прадукцыю жыхарам і гасцям горада таксама прапанавалі вытворцы прадуктаў харчавання.

версія для друку

зрабіць стартавай

дабавіць у выбранае