Падзеі

Урад Расіі адобрыў стварэнне генеральнага консульства Беларусі ў Екацярынбургу

2 кастрычніка, Масква /Эдуард Півавар - БЕЛТА/. Урад Расіі адобрыў стварэнне генеральнага консульства Беларусі ў Екацярынбургу. Адпаведнае распараджэнне апублікавана на расійскім афіцыйным інтэрнэт-партале прававой інфармацыі, паведамляе БЕЛТА.

Згодна з дакументам, консульская акруга беларускай дыпустановы будзе ўключаць тэрыторыі Пермскага края, Курганскай, Свярдлоўскай, Цюменскай, Чэлябінскай абласцей, Ханты-Мансійскай аўтаномнай акругі - Югры і Ямала-Ненецкай аўтаномнай акругі.

Урад Расіі рэкамендаваў уладам Свярдлоўскай вобласці выдзеліць Беларусі ў Екацярынбургу службовыя і жылыя памяшканні на ўмовах арэнды або набыцця ва ўласнасць, а таксама вырашыць іншыя арганізацыйныя пытанні.

Акрамя пасольства Беларусі ў Маскве цяпер у Расіі дзейнічаюць генеральнае консульства Беларусі ў Санкт-Пецярбургу і аддзяленні пасольства ў Калінінградзе, Смаленску, Казані, Уфе, Ніжнім Ноўгарадзе, Растове-на-Доне, Краснаярску, Новасібірску, Екацярынбургу і Уладзівастоку.

версія для друку

зрабіць стартавай

дабавіць у выбранае