Падзеі

24 ліпеня, Мінск /Кар. БЕЛТА/. Урад Беларусі адобрыў тры праекты міжнароднай тэхнічнай дапамогі. Такое рашэнне змешчана ў пастанове Саўміна нумар 612 ад 21 ліпеня 2015 года, апублікаванай сёння на Нацыянальным прававым партале, паведамляе БЕЛТА.

Былі адобраны праекты "Схема мабільнасці для мэтавых міжасобасных кантактаў (МОСТ)", "Інстытуцыянальнае развіццё і падтрымка палітыкі па мадэрнізацыі прадпрыемстваў - вытворцаў кампанентаў для аўтамабільнага сектара ў Рэспубліцы Беларусь", "Рэформа адукацыі праз міжнародны абмен ведамі".

Каардынацыя і кантроль за рэалізацыяй праектаў ускладзены на МЗС, НАН Беларусі і Міністэрства адукацыі адпаведна.

Гэта пастанова ўступае ў сілу з дня яе прыняцця.