Падзеі

"Упэўнены, што грамадзяне пад надзейнай абаронай". Лукашэнка павіншаваў ратавальнікаў з прафесійным святам

Фота з архiва

19 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў работнікаў і ветэранаў органаў і падраздзяленняў па надзвычайных сітуацыях з прафесійным святам - Днём ратавальніка. Аб гэтым БЕЛТА паведамілі ў прэс-службе кіраўніка дзяржавы.

"Вы першыя прыходзіце на дапамогу людзям, якія трапілі ў бяду, смела адказваеце на выклікі прыродных катаклізмаў, прафесійна выконваеце свой абавязак, дастаўляеце гуманітарную дапамогу насельніцтву краін, што пацярпелі ад катастроф і стыхійных бедстваў", - адзначыў Аляксандр Лукашэнка.

Кіраўнік дзяржавы падкрэсліў, што, дэманструючы адданасць сваёй справе, мужнасць і адвагу ў самых цяжкіх і небяспечных сітуацыях, ратавальнікі кожны раз праходзяць праверку на трываласць з гонарам.

Асаблівыя словы ўдзячнасці Прэзідэнт адрасаваў ветэранам, якія стваралі выратавальнае ведамства Беларусі і ўпісалі нямала слаўных старонак у яго гісторыю.

"Упэўнены, што бяспека грамадзян і ў далейшым будзе пад надзейнай абаронай супрацоўнікаў органаў і падраздзяленняў па надзвычайных сітуацыях Рэспублікі Беларусь. Дзякую ўсім, хто выбірае звязаную з рызыкай, але такую важную для людзей прафесію ратавальніка", - гаворыцца ў віншаванні.

версія для друку

зрабіць стартавай

дабавіць у выбранае