Падзеі

Указ аб знаходжанні грамадзян Украіны ў Беларусі выкладзены ў новай рэдакцыі

Фота з архiва

15 верасня, Мінск /Кар. БЕЛТА/. Кіраўнік дзяржавы Аляксандр Лукашэнка 14 верасня падпісаў указ нумар 326, у адпаведнасці з якім у новай рэдакцыі выкладзены ўказ нумар 420 ад 30 жніўня 2014 года "Аб знаходжанні грамадзян Украіны ў Рэспубліцы Беларусь". Аб гэтым карэспандэнту БЕЛТА паведамілі ў прэс-службе беларускага лідара.

Дакумент распрацаваны ў мэтах аказання дапамогі грамадзянам, якія прыбылі на тэрыторыю Беларусі з Украіны і аказаліся ў цяжкай жыццёвай сітуацыі.

Прадугледжана прадастаўленне названай катэгорыі асоб правоў нараўне з беларускімі грамадзянамі, а менавіта на дашкольную, агульную і спецыяльную адукацыю; атрыманне прафесійна-тэхнічнай, сярэдняй спецыяльнай і вышэйшай адукацыі за кошт сродкаў рэспубліканскага і (або) мясцовых бюджэтаў або на ўмовах аплаты; даступнае медыцынскае абслугоўванне; назначэнне дапамог на дзяцей і пенсій.

Згодна з палажэннямі ўказа грамадзяне Украіны вызваляюцца ад выплаты дзяржпошлін за рэгістрацыю часовага знаходжання ў Беларусі; выдачу дазволу на часовае пражыванне ў нашай краіне; разгляд заявы аб выдачы дазволу на пастаяннае пражыванне ў Беларусі; выдачу біяметрычнага пасведчання на права жыхарства.

Наймальнікі Рэспублікі Беларусь, якія прыцягваюць грамадзян Украіны для ажыццяўлення працоўнай дзейнасці, вызваляюцца ад выплаты дзяржпошлін за выдачу спецыяльнага дазволу на права займацца працоўнай дзейнасцю ў нашай краіне; атрыманне дазволу на прыцягненне ў Беларусь замежнай рабочай сілы; аднаразовае прадаўжэнне дазволу на прыцягненне ў краіну замежнай рабочай сілы.

Дакумент будзе садзейнічаць інтэграцыі ўкраінскіх грамадзян у беларускае грамадства, дасць магчымасць аператыўна рэгуляваць пытанні іх сацыяльнай падтрымкі і працоўнай дзейнасці.

версія для друку

зрабіць стартавай

дабавіць у выбранае