Падзеі

У Саюзнай дзяржаве прынялі Канцэпцыю міграцыйнай палітыкі

4 лістапада, Мінск /Кар. БЕЛТА/. На пасяджэнні Вышэйшага дзяржаўнага савета Саюзнай дзяржавы 4 лістапада зацверджана Канцэпцыя міграцыйнай палітыкі, перадае карэспандэнт БЕЛТА.

У дакуменце вызначаны напрамкі дзейнасці міністэрстваў унутраных спраў, органаў дзяржаўнай бяспекі, пагранічных службаў і знешнепалітычных ведамстваў у сферы міграцыі з улікам новых рэалій, абумоўленых узрастаннем міграцыйных патокаў.

"Актуальнасць дакумента па-свойму пацвярджаюць і апошнія падзеі на граніцы Беларусі і Еўрасаюза, на якія вытрымана і прафесійна адказвае рэспубліка", - адзначыў дзяржсакратар Саюзнай дзяржавы Дзмітрый Мезенцаў.

Канцэпцыя міграцыйнай палітыкі прадугледжвае сумеснае процідзеянне пагрозам бяспецы і забяспечвае партнёрства ў інтарэсах грамадзян у сферы працы і занятасці.

"Прыняцце гэтага дакумента, зацвярджэнне саюзным Саветам Міністраў на чарговым пасяджэнні плана па яго рэалізацыі на перыяд да 2025 года стане ключавой умовай фарміравання адзінай міграцыйнай прасторы Саюзнай дзяржавы", - заявіў Дзмітрый Мезенцаў.

версія для друку

зрабіць стартавай

дабавіць у выбранае