Падзеі

18 студзеня, Мінск /Святлана Саўко - БЕЛТА/. Парадак дня маючага адбыцца Вышэйшага дзяржаўнага савета Саюзнай дзяржавы будзе ўключаць больш за дзясятак пытанняў па ўсім спектры дзейнасці СД. Аб гэтым ішла размова сёння на сустрэчы Прэзідэнта Беларусі Аляксандра Лукашэнкі з дзяржаўным сакратаром Саюзнай дзяржавы Рыгорам Рапотам, перадае карэспандэнт БЕЛТА.

У гутарцы з журналістамі Рыгор Рапота адзначыў, што пасяджэнне ВДС пройдзе ў лютым-сакавіку, на гэты час у парадак дня ўключана 12 пытанняў.

Паводле слоў дзяржсакратара, у парадку дня ў ходзе падрыхтоўкі магчымы карэктывы, але яны будуць нязначнымі. "Гэтыя пытанні ахопліваюць увесь спектр дзейнасці Саюзнай дзяржавы", - сказаў ён.

Размова пойдзе аб зацвярджэнні саюзнага бюджэту на 2016 год, выніках рэалізацыі бюджэту 2015 года. На ВДС будуць абмяркоўвацца вынікі гандлёва-эканамічнага супрацоўніцтва з улікам усіх фактараў, якія ўплываюць на развіццё гэтай сферы дзейнасці, а таксама знешнепалітычнага ўзаемадзеяння за два папярэднія гады. Удзельнікі пасяджэння ВДС прымуць праграму ўзаемадзеяння на наступныя два гады.