Падзеі

У пагадненне аб пастаўках газу ў Беларусь з Расіі ўнесены і падпісаны змяненні

Фота з архiва

3 сакавіка, Мінск /Кар. БЕЛТА/. Масква і Мінск падпісалі пратакол аб змяненні ў пагадненне аб парадку фарміравання цэн на пастаўку расійскага газу ў Беларусь і яго транспарціроўцы па газаправодах на тэрыторыі краіны. Гэты дакумент адкрывае магчымасць для супрацоўніцтва паміж краінамі ў 2020 годзе, цытуе ТАСС паведамленне Мінэнерга Расійскай Федэрацыі.

"Дакумент адкрывае магчымасць для далейшага ўзаемавыгаднага супрацоўніцтва паміж краінамі ў сферы паставак газу ў Беларусь у 2020 годзе", - адзначае ведамства.

Пратакол аб унясенні змяненняў у пагадненне ад 25 лістапада 2011 года быў падпісаны міністрам энергетыкі Расіі Аляксандрам Новакам і паслом Беларусі ў Расіі Уладзімірам Сямашкам.

Як паведамлялася раней, 7 лютага краіны дамовіліся аб цане на газ да 2021 года. Расія прадоўжыць пастаўляць газ на ўмовах 2019 года, гэта значыць, па цане $127 за тыс. куб.м.

версія для друку

зрабіць стартавай

дабавіць у выбранае