Падзеі

У МЗС расказалі, як развіваецца супрацоўніцтва на постсавецкай прасторы і з краінамі далёкай дугі

Фота з архiва

22 лютага, Мінск /Кар. БЕЛТА/. У 2022 годзе Беларусі ўдалося істотна рушыць наперад у развіцці стратэгічных саюзніцкіх адносін з Расіяй, паглыбіць інтэграцыю ў Саюзнай дзяржаве. Аб гэтым заявіў міністр замежных спраў Беларусі Сяргей Алейнік на калегіі знешнепалітычнага ведамства, перадае карэспандэнт БЕЛТА.

У ЕАЭС і СНД прыярытэтная ўвага ўдзяляецца кансалідацыі пазіцый па процідзеянні санкцыйнаму націску, стварэнню ўмоў для актывізацыі гандлёва-эканамічнага супрацоўніцтва, у тым ліку ў двухбаковым фармаце.

"Па лініі АДКБ мы падрыхтавалі дакладную праграму нашага старшынства ў арганізацыі ў 2023 годзе і зробім усё магчымае, каб рэалізаваць адобраныя кіраўніком дзяржавы прыярытэты на гэтым напрамку", - падкрэсліў міністр.

Не спыняецца актыўная работа з дзяржавамі далёкай дугі, звярнуў увагу кіраўнік знешнепалітычнага ведамства. І гэта, паводле яго слоў, прыносіць чаканы вынік. "Мы асабліва гэта адчулі на напрамку Кітая, адносіны з якім выведзены на ўзровень усепагоднага і ўсебаковага стратэгічнага партнёрства", - адзначыў ён.

Пазітыўны парадак дня развіваецца таксама ў адносінах з Індыяй, ААЭ, Іранам, Зімбабвэ і іншымі краінамі.

версія для друку

зрабіць стартавай

дабавіць у выбранае