Падзеі
У Беларусі электронны ўрад функцыянуе на поўную моц - Руднеў
22 красавіка, Мінск /Кар. БЕЛТА/. У Беларусі электронны ўрад функцыянуе на поўную моц, заявіў журналістам у прэс-цэнтры БЕЛТА першы намеснік дырэктара Нацыянальнага цэнтра электронных паслуг Сяргей Руднеў.
"Можна канстатаваць, што ўжо сёння электронны ўрад функцыянуе на поўную моц. Пры гэтым штодзень мы атрымліваем новыя выклікі па забеспячэнні камфортнага атрымання дзяржаўных паслуг, адміністрацыйных працэдур ад дзяржавы для грамадзян і бізнесу. Гэта пацвярджае статыстыка. У мінулым годзе было аказана больш за 6,5 млн электронных паслуг, у 2019 годзе - крыху больш за 5 млн. Адпаведна дынаміка паказвае, што запатрабаванасць атрымання паслуг ад дзяржавы бізнесам і грамадзянамі расце штогод. Наша асноўная задача - у будучым максімальна перавесці ў анлайн узаемадзеянне дзяржава - бізнес - грамадзяне", - сказаў Сяргей Руднеў.
Ён нагадаў, што 28-29 красавіка ў Мінску пройдзе першы міжнародны форум #GBC (Дзяржава. Бізнес. Грамадзяне). Яго асноўная мэта - прэзентацыя дасягненняў і праектаў у галіне электроннага ўрада, пошук новых шляхоў лічбавізацыі і ўзаемадзеяння дзяржавы - бізнесу - грамадзян з дапамогай інфармацыйна-камунікацыйных тэхналогій.
#GBC прызначаны стаць пляцоўкай для абмеркавання тэм стану, развіцця і перспектыў лічбавай будучыні Беларусі, пераводу ўзаемадзеяння на ўсіх узроўнях у лічбавую плоскасць. Як перайсці на больш высокі ўзровень электроннага ўзаемадзеяння дзяржавы і грамадства, грунтуючыся на сучасным узроўні развіцця інфармацыйных тэхналогій і максімальна выкарыстоўваючы існуючыя магчымасці дзяржаўнай інфраструктуры аказання электронных паслуг? Як павысіць эфектыўнасць дзяржаўнага кіравання дзякуючы высокім тэхналогіям? Як зрабіць працэсы ўзаемадзеяння грамадзян, бізнесу і дзяржавы гранічна празрыстымі, хуткімі і зручнымі? Адказы на гэтыя пытанні плануецца разгледзець (выпрацаваць і прапрацаваць) удзельнікам форуму.
Асноўнымі задачамі форуму з'яўляюцца - прэзентацыя дасягненняў у галіне электроннага ўрада, дэманстрацыя распрацовак ІТ-кампаній, арганізацый сувязі і тэлекамунікацый, прыцягненне зацікаўленых дзяржаў да трансгранічнага ўзаемадзеяння пры абмене юрыдычна значнымі электроннымі дакументамі, развіццё партнёрства і міжведамаснага ўзаемадзеяння, павышэнне IT-дасведчанасці грамадства.
Работа міжнароднага форуму #GBC (Дзяржава. Бізнес. Грамадзяне) будзе разбіта на чатыры тэматычныя блокі. Яны будуць прысвечаны пытанням пабудовы электроннага ўрада, укараненню біяметрычных дакументаў, канцэпцыі "Разумны горад", лічбавым сэрвісам дзяржавы для бізнесу і грамадзян.
У форуме прымуць удзел прадстаўнікі дзяржаўных органаў і арганізацый, IT-кампаній, банкаў, міжнародных арганізацый і навучальных устаноў. Мерапрыемства прадугледжвае гібрыдны фармат работы: афлайн і анлайн.
Як падкрэсліла намеснік дырэктара па камерцыйных пытаннях Нацыянальнага цэнтра абмену трафікам Таццяна Туромша, правядзенне форуму - гэта сацыяльна значны праект. "Лічбавізацыя, інфарматызацыя, воблачныя тэхналогіі - гэта ўжо рэаліі нашага сённяшняга дня, у якіх мы жывём, і іх трэба выкарыстоўваць, вывучаць і ўкараняць ва ўсіх сферах нашага жыцця. Менавіта таму з'явілася ідэя стварэння форуму #GBC як нейкай дыялогавай пляцоўкі, на якой будзе абмяркоўвацца інфармацыйнае, лічбавае развіццё Беларусі. Важным аспектам форуму будзе той факт, што ён будзе праходзіць і ў анлайн-рэжыме. Любы жадаючы на бязвыплатнай аснове можа зарэгістравацца на сайце www.gbcforum.by і прыняць удзел у анлайн-трансляцыі", - дапоўніла яна.
Арганізатары форуму - Нацыянальны цэнтр абмену трафікам і Нацыянальны цэнтр электронных паслуг. Мерапрыемства пройдзе пры падтрымцы Аператыўна-аналітычнага цэнтра пры Прэзідэнце Беларусі.
версія для друку
зрабіць стартавай
дабавіць у выбранае