Падзеі

У Багдадзе адбыліся беларуска-іракскія палітычныя кансультацыі паміж міністэрствамі замежных спраў

Фота МЗС

16 чэрвеня, Мінск /Кар. БЕЛТА/. У Багдадзе адбыўся чарговы раўнд беларуска-іракскіх палітычных кансультацый паміж міністэрствамі замежных спраў з удзелам намесніка міністра замежных спраў Рэспублікі Беларусь Мікалая Барысевіча і першага намесніка міністра замежных спраў Рэспублікі Ірак Нізара аль-Хейралы. Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.

Мерапрыемства было прымеркавана да 25-годдзя ўстанаўлення дыпламатычных адносін паміж Беларуссю і Іракам. Папярэдні раўнд палітычных кансультацый паміж міністэрствамі замежных спраў прайшоў у 2019 годзе ў час візіту першага намесніка міністра замежных спраў Ірака ў Мінск.

У ходзе кансультацый абмеркаваны шырокі спектр пытанняў беларуска-іракскіх адносін, уключаючы супрацоўніцтва ў сферы адукацыі, гуманітарнай галіне, а таксама ўдасканаленне дагаворна-прававой базы. Асаблівы акцэнт быў зроблены на актывізацыі гандлёва-эканамічных адносін як прыярытэтнага напрамку  супрацоўніцтва паміж дзвюма краінамі.

14-15 чэрвеня адбыліся таксама сустрэчы намесніка міністра замежных спраў Беларусі з міністрамі прамысловасці і шахт, сельскай гаспадаркі, гандлю, адукацыі і навуковых даследаванняў Ірака, а таксама з прэзідэнтам Гандлёвай палаты Багдада і рэктарам Багдадскага ўніверсітэта. Па выніках перагавораў дасягнуты дамоўленасці аб абмеркаванні ў бліжэйшы час на ўзроўні кіраўніцтва профільных міністэрстваў канкрэтных напрамкаў двухбаковага супрацоўніцтва ў прамысловай кааперацыі, сельскай гаспадарцы і адукацыі.

Іракскі бок пацвердзіў гатоўнасць у самыя кароткія тэрміны накіраваць у Беларусь дэлегацыю дзелавых колаў у мэтах развіцця кантактаў па лініі гандлёвых палат дзвюх краін.

версія для друку

зрабіць стартавай

дабавіць у выбранае