Падзеі

Турэцкая дэлегацыя плануе наведаць Беларусь у студзені 2021 года

24 снежня, Мінск /Кар. БЕЛТА/. Надзвычайны і Паўнамоцны Пасол Беларусі ў Турцыі Віктар Рыбак у час рабочай паездкі ў Стамбул прыняў удзел у пасяджэнні турэцка-беларускага савета, які функцыянуе на базе Савета па знешнеэканамічных сувязях Турцыі DEIK. Аб гэтым карэспандэнту БЕЛТА паведамілі ў пасольстве Беларусі ў Турцыі.

На пасяджэнні былі падведзены вынікі беларуска-турэцкага эканамічнага супрацоўніцтва ў бягучым годзе і абмеркаваны планы па развіцці знешнеэканамічных сувязей паміж суб'ектамі гаспадарання дзвюх краін у 2021-м.

Бакі абмеркавалі пытанне падрыхтоўкі другога беларуска-турэцкага інвестыцыйнага форуму, а таксама праграму візіту дэлегацыі Савета DEIK у Беларусь у студзені 2021 года з мэтай далейшай прапрацоўкі двухбаковага інвестыцыйнага, фінансавага, транспартнага напрамкаў узаемадзеяння.

Удзельнікі пасяджэння былі праінфармаваны аб унутрыпалітычнай сітуацыі ў Беларусі.

версія для друку

зрабіць стартавай

дабавіць у выбранае