Падзеі

Сустрэча Лукашэнкі і Сі Цзіньпіна чакаецца ў верасні на палях саміту ШАС

11 красавіка, Мінск /Кар. БЕЛТА/. Сустрэча Прэзідэнта Беларусі Аляксандра Лукашэнкі і Старшыні КНР Сі Цзіньпіна чакаецца ў верасні на палях саміту Шанхайскай арганізацыі супрацоўніцтва, паведаміў Надзвычайны і Паўнамоцны Пасол Рэспублікі Беларусь у КНР Юрый Сянько ў эфіры тэлеканала АНТ, паведамляе БЕЛТА.

"Такая дамоўленасць (аб вочнай сустрэчы. - Заўвага БЕЛТА) паміж лідарамі нашых краін ёсць. Неаднаразова Старшыня Кітайскай Народнай Рэспублікі запрашаў нашага кіраўніка дзяржавы наведаць Кітай. Таксама кіраўнік Беларусі аналагічнае запрашэнне рабіў свайму калегу. Але, на жаль, з-за каранавірусных абмежаванняў вочная сустрэча пакуль не адбылася. Але бягучы год будзе важны тым, што ў верасні ў рамках Шанхайскай арганізацыі супрацоўніцтва плануецца сустрэча нашых кіраўнікоў", - сказаў Юрый Сянько.

Паводле яго слоў, кіраўнікі дзяржавы абмяркуюць блок пытанняў двухбаковых адносін. "Размова будзе вельмі важнай, насычанай. Мы рыхтуемся да арганізацыі гэтай сустрэчы і перакананы, што яна адбудзецца ў верасні бягучага года", - падкрэсліў пасол.

Характарызуючы ў цэлым узровень беларуска-кітайскіх адносін, Юрый Сянько заўважыў: "На сённяшні дзень мы выйшлі на новы, вельмі высокі ўзровень паміж нашымі краінамі, які мы ўжо называем "жалезнае і нержавеючае братэрства". Паводле яго слоў, гэтыя характарыстыкі будуць пакладзены ў аснову праекта новага дагавора паміж дзвюма краінамі.

Пасол перакананы, што высокі ўзровень адносін склаўся ў першую чаргу дзякуючы таму, што Кітай і Беларусь вельмі добра ведаюць адзін аднаго. Паміж лідарамі краін склаліся вельмі добрыя, цёплыя, даверныя адносіны. У апошнія паўтара года, на жаль, з-за пандэміі асабістыя сустрэчы не адбыліся, але было тры тэлефонныя размовы, якія далі магчымасць абмеркаваць шмат важных тэм, якія наспелі на сённяшні дзень.

версія для друку

зрабіць стартавай

дабавіць у выбранае