Падзеі
Створаны рэспубліканскі аргкамітэт па падрыхтоўцы і правядзенні ІІ Еўрапейскіх гульняў 2019 года ў Беларусі
9 студзеня, Мінск /Кар. БЕЛТА/. Рэспубліканскі арганізацыйны камітэт па падрыхтоўцы і правядзенні ІІ Еўрапейскіх гульняў 2019 года створаны ў Беларусі, адпаведны ўказ падпісаў 9 студзеня кіраўнік дзяржавы Аляксандр Лукашэнка, паведамілі БЕЛТА ў прэс-службе беларускага лідара.
Рэспубліканскі арганізацыйны камітэт узначаліў прэм'ер-міністр Беларусі. У склад аргкамітэта ўключаны кіраўнікі дзяржаўных органаў і арганізацый, якія будуць непасрэдна задзейнічаны ў падрыхтоўцы і правядзенні гэтага маштабнага спартыўнага мерапрыемства.
На рэспубліканскі арганізацыйны камітэт ускладзены функцыі забеспячэння каардынацыі дзейнасці ўсіх зацікаўленых па падрыхтоўцы і правядзенні ІІ Еўрапейскіх гульняў, а таксама прадугледжваецца зацвярджэнне ў трохмесячны тэрмін адпаведнага плана мерапрыемстваў.
версія для друку
зрабіць стартавай
дабавіць у выбранае