Падзеі
Старшыня КНР у маі з трохдзённым візітам наведае Беларусь
25 сакавіка, Мінск /Таццяна Паляжай - БЕЛТА/. У Беларусі чакаюць у маі з трохдзённым візітам старшыню Кітайскай Народнай Рэспублікі. Аб гэтым паведаміў сёння Прэзідэнт Беларусі Аляксандр Лукашэнка ў час сустрэчы з працоўным калектывам ААТ "Пеленг", перадае карэспандэнт БЕЛТА.
"Пеленг" актыўна супрацоўнічае з партнёрамі з Кітая. Кіраўнік дзяржавы адзначыў, што, знаходзячыся ў Кітаі, наведваў такія прадпрыемствы. Аляксандр Лукашэнка расказаў, што плануе паказаць старшыні КНР у тым ліку пункты супрацоўніцтва з Кітаем.
"Гэта краіна, якая шукае сёння партнёраў, у якой шмат грошай. Калі мы будзем, як цяпер, з імі ў партнёрах і станем развіваць гэта супрацоўніцтва па ўсіх напрамках, мы можам атрымаць і крэдыты, і заказы. Для нас галоўнае заказы", - сказаў кіраўнік беларускай дзяржавы.
"Мы да гэтага візіту вельмі сур'ёзна рыхтуемся", - падкрэсліў Прэзідэнт.
версія для друку
зрабіць стартавай
дабавіць у выбранае