Падзеі

27 студзеня, Мінск /Кар. БЕЛТА/. Спецыяльны пасланнік Генеральнага сакратара ААН па пытаннях інваліднасці і даступнасці можа наведаць з візітам Беларусь. Магчымасці арганізацыі візіту абмяркоўваліся на сустрэчы пастаяннага прадстаўніка Беларусі пры Аддзяленні ААН і іншых міжнародных арганізацыях у Жэневе Юрыя Амбразевіча са спецыяльным пасланнікам Генеральнага сакратара ААН па пытаннях інваліднасці і даступнасці Ленінам Марэна Гарсесам, паведамілі БЕЛТА ў прэс-службе МЗС Беларусі.

Спецыяльны пасланнік вітаў падпісанне Прэзідэнтам Беларусі Міжнароднай канвенцыі аб правах інвалідаў у верасні 2015 года і выказаў надзею на тое, што Беларусь ратыфікуе яе ў бліжэйшы час.

На думку бакоў, візіт будзе карысны для абмену вопытам у ажыццяўленні палажэнняў Канвенцыі аб правах інвалідаў.