Падзеі

Следчы камітэт Беларусі і ФБР пашыраць абмен інфармацыяй

15 чэрвеня, Мінск /Кар. БЕЛТА/. Следчы камітэт Беларусі і Федэральнае бюро расследаванняў ЗША пашыраць абмен інфармацыяй і перадавым вопытам па процідзеянні міжнароднай злачыннасці. Такая інфармацыя размешчана на сайце СК па выніках першага візіту ў Беларусь аташэ па прававых пытаннях - прадстаўніка ФБР ЗША пры пасольстве ЗША ва Украіне Лоры Крыгбаум, паведамляе БЕЛТА.

Лора Крыгбаум і яе памочнік Даніэль Стодард нядаўна пачалі выкананне сваіх абавязкаў у Кіеве і адказваюць у тым ліку за ўзаемадзеянне па лініі ФБР ЗША з Беларуссю.

У час сустрэчы бакі абмяняліся думкамі аб прававых сістэмах дзвюх краін, абмеркавалі асаблівасці вядзення крымінальнага працэсу ў Беларусі і ЗША, закранулі некаторыя аспекты аказання міжнароднай прававой дапамогі па крымінальных справах. Удзельнікі прыйшлі да высновы, што паспяховае процідзеянне злачыннасці, асабліва арганізаванай і маючай транснацыянальны характар, немагчыма без эфектыўных сумесных дзеянняў беларускіх і амерыканскіх праваахоўнікаў.

Бакі дамовіліся прадоўжыць абмен інфармацыяй і перадавым вопытам следчай работы, а таксама аказваць садзейнічанне ў прафесійнай падрыхтоўцы следчых.

Як адзначылі ў Следчым камітэце, візіт у Беларусь прадстаўнікоў ФБР ЗША садзейнічаў умацаванню канструктыўнага ўзаемадзеяння праваахоўных органаў дзвюх краін у галіне барацьбы са злачыннасцю.

версія для друку

зрабіць стартавай

дабавіць у выбранае