Падзеі

2 верасня, Мінск /Кар. БЕЛТА/. Міністр унутраных спраў Беларусі Ігар Шуневіч узначаліць Савет міністраў унутраных спраў дзяржаў - удзельніц Садружнасці Незалежных Дзяржаў у 2016 годзе, перадае карэспандэнт БЕЛТА.

У гэтым годзе Саветам кіруе міністр унутраных спраў Кыргызстана Меліс Турганбаеў. Сёння ён перадаў свае паўнамоцтвы Ігару Шуневічу.

У Мінску праходзіць пасяджэнне Савета міністраў унутраных спраў дзяржаў - удзельніц Садружнасці Незалежных Дзяржаў. У мерапрыемстве прымаюць удзел дэлегацыі МУС/Паліцыі Азербайджана, Арменіі, Казахстана, Кыргызстана, Малдовы, Таджыкістана і Узбекістана, а таксама прадстаўнікі Выканкама СНД, Бюро па каардынацыі барацьбы з арганізаванай злачыннасцю і іншымі небяспечнымі відамі злачынстваў на тэрыторыі дзяржаў - удзельніц СНД (БКБАЗ), дзяржаўных органаў Беларусі.

У парадку дня пасяджэння - прыярытэтныя пытанні ўзаемадзеяння праваахоўных ведамстваў дзяржаў СНД. У прыватнасці, процідзеянне кіберзлачыннасці, крадзяжам аўтатранспарту, абароту новых псіхаактыўных, псіхатропных рэчываў і наркатычных сродкаў, а таксама проціпраўным дзеянням з боку нефармальных аб'яднанняў балельшчыкаў спартыўных каманд.