Падзеі
Савет Рэспублікі звярнуўся з заявай у сувязі з прынятай Еўрапарламентам рэзалюцыяй па Беларусі
20 сакавіка, Мінск /Кар. БЕЛТА/. Савет Рэспублікі прыняў заяву ў сувязі з прыняццем Еўрапейскім парламентам рэзалюцыі па Беларусі. Яе тэкст на дзясятай сесіі Савета Рэспублікі Нацыянальнага сходу сёмага склікання зачытаў старшыня Пастаяннай камісіі па заканадаўстве і дзяржаўным будаўніцтве Савета Рэспублікі Сяргей Сівец, перадае карэспандэнт БЕЛТА.
"Савет Рэспублікі Нацыянальнага сходу Рэспублікі Беларусь рашуча асуджае прыняцце Еўрапейскім парламентам чарговай адыёзнай рэзалюцыі ў адносінах да Беларусі і катэгарычна адхіляе ўсе без выключэння ацэнкі сітуацыі ў нашай краіне. Лічым гэта не чым іншым, як непрыкрытым умяшаннем ва ўнутраныя справы нашай суверэннай і незалежнай дзяржавы, парушэннем неад'емнага права беларускага народа на самастойнае вызначэнне свайго лёсу", - гаворыцца ў заяве.
Адобранае Еўрапейскім парламентам рашэнне цалкам супярэчыць Статуту Арганізацыі Аб'яднаных Нацый і прынцыпам міжнароднага права. Праз націск на нашу краіну на палітычных пляцоўках, санкцыйны шантаж, інфармацыйна-псіхалагічны тэрор пашыраецца чалавеканенавісніцкая палітыка, якая мяжуе з крайнім нацыяналізмам, падкрэсліваецца ў дакуменце. "Відавочна няслушнасць і нелегітымнасць рашэнняў, прынятых на аснове адкрытай маны і бруду, што выліваюць на Беларусь збеглыя здраднікі, якія цынічна таргуюць нацыянальнай бяспекай і дабрабытам нашай краіны і народа. Любая калабарацыя з гэтымі злачынцамі паказвае абсалютнае няведанне рэальнага жыцця Беларусі і заведама асуджана на правал, - адзначаецца ў заяве. - Мы не маем патрэбы ў настаўленнях звонку - мы самі ведаем, як нам жыць. Беларусь нязменна трымае курс міралюбнасці, добрасуседства і стварэння. Наша краіна развіваецца па законах, якія цалкам адпавядаюць карэнным інтарэсам беларускага народа пры ўважлівым стаўленні да ўсіх, хто адкрыты да канструктыўнага дыялогу з намі, і мае права чакаць ад іх таго ж".
"З упэўненасцю заяўляем, што імкненне заходніх функцыянераў завуаляваць дапушчаныя імі пралікі і памылкі ў кіраванні сваімі краінамі контрпрадукцыйныя і марныя. Прасвятленне еўрапейскай грамадскасці настане непазбежна. У бягучых умовах некалі паспяховая Еўропа ахоплена сур'ёзнымі сацыяльна-эканамічнымі праблемамі, а яе насельніцтва выходзіць на вуліцы, каб абараніць свае правы і прадухіліць спаўзанне еўрапейскага кантынента да поўнамаштабнай вайны. Усё, што сёння адбываецца ў свеце, - адгалоскі рэваншысцкай палітыкі. З-за амбіцый прыхільнікаў гэтай палітыкі чалавецтва сутыкаецца з беспрэцэдэнтнымі выклікамі глабальнай нестабільнасці і няспыннай паласы нявызначанасці", - адзначаецца ў заяве. - Заклікаем парламенцкія структуры, Арганізацыю Аб'яднаных Нацый, Міжпарламенцкі саюз, Міжнародную арганізацыю працы і іншыя міжнародныя арганізацыі, Упраўленне Вярхоўнага камісара ААН па правах чалавека і Савет ААН па правах чалавека ігнараваць палітызаванае, няслушнае меркаванне Еўрапейскага парламента ў адносінах да Беларусі, садзейнічаць развіццю сапраўды дружалюбных адносін і супрацоўніцтва паміж дзяржавамі".
"Савет Рэспублікі Нацыянальнага сходу Рэспублікі Беларусь пацвярджае сваю цвёрдую рашучасць процідзейнічаць любым спробам замаху на суверэнітэт і незалежнасць Беларусі, умяшанню ў яе ўнутраныя справы, палітычнаму, эканамічнаму і іншаму націску на нашу краіну. Ніхто акрамя беларускага народа не мае права вырашаць, як нам жыць, як развівацца, якім законам быць на нашай роднай зямлі", - канстатуецца ў дакуменце.
версія для друку
зрабіць стартавай
дабавіць у выбранае