Падзеі

Савет Рэспублікі адобрыў папраўкі ў закон аб лякарствах

Фота з архiва

22 красавіка, Мінск /Кар. БЕЛТА/. Савет Рэспублікі адобрыў сёння папраўкі ў закон аб лякарствах. Праект накіраваны на ўдасканаленне лекавага забеспячэння беларусаў, паведаміў міністр аховы здароўя Уладзімір Каранік, прадстаўляючы законапраект сенатарам, перадае карэспандэнт БЕЛТА.

Законапраект уводзіць магчымасць умоўнай дзяржаўнай рэгістрацыі арыгінальных лякарстваў для лячэння, прафілактыкі і дыягностыкі жыццепагражальных, цяжкіх, інвалідызіруючых захворванняў, а таксама рэдкіх орфанных хвароб. Папраўкамі прадугледжана таксама магчымасць прымянення ў такіх выпадках арыгінальных лякарстваў, якія знаходзяцца ў стадыі клінічных выпрабаванняў.

"Гэта будзе садзейнічаць павышэнню ўзроўню аказання медыцынскай дапамогі асобным катэгорыям пацыентаў. Яны атрымаюць ранні доступ да новых метадаў лячэння з прымяненнем новых, упершыню распрацаваных прэпаратаў. Такі падыход адпавядае практыцы ЕС і ЗША", - адзначыў міністр.

Акрамя таго, законапраект прадастаўляе фельчарам сельскіх ФАП, выязным медыцынскім брыгадам права не толькі кансультаваць, але і выпісваць рэцэпты, прадаваць лякарствы.

Законапраект распрацаваны з улікам практыкі прымянення, а таксама ў мэтах ўзгаднення яго норм з актамі ЕАЭС.

Праект прадугледжвае комплекснае рэгуляванне грамадскіх адносін у галіне абарачэння лякарстваў. Папраўкамі рэгламентаваны пытанні дзяржаўнай рэгістрацыі, кантролю якасці, распрацоўкі, даклінічных і клінічных даследаванняў, медыцынскага прымянення лякарстваў. Законапраектам устанаўліваецца парадак прамысловай вытворчасці і аптэчнага вырабу лекавых сродкаў, аптовай і рознічнай рэалізацыі, захоўвання, транспарціроўкі, знішчэння, увозу і вывазу лекавых сродкаў. Уводзіцца адказнасць трымальніка рэгістрацыйнага пасведчання за бяспеку, эфектыўнасць і якасць прэпарата, а заяўніка - за дакладнасць інфармацыі, якая змешчана ў прадстаўленых імі дакументах і даных рэгістрацыйнага дасье.

версія для друку

зрабіць стартавай

дабавіць у выбранае