Падзеі

14 красавіка, Мінск /Кар. БЕЛТА/. Савет Міністраў Рэспублікі Беларусь адобрыў праект міжнароднай тэхнічнай дапамогі "Умацаванне патэнцыялу эксплуатуючай арганізацыі для забеспячэння бяспечнай і надзейнай эксплуатацыі АЭС". Адпаведнае рашэнне замацавана пастановай урада ад 13 красавіка 2018 года нумар 288, паведамляе БЕЛТА са спасылкай на сайт Саўміна.

Міністэрству энергетыкі даручана забяспечыць каардынацыю і эфектыўны кантроль за рэалізацыяй праекта.

Пастанова ўступае ў сілу з дня яе прыняцця.