Падзеі
Саюзныя парламентарыі 28 лютага ў Мінску абмяркуюць рэалізацыю праграмы ўзгодненых знешнепалітычных дзеянняў
22 лютага, Масква /Эдуард Півавар - БЕЛТА/. Ход рэалізацыі праграмы ўзгодненых дзеянняў у галіне знешняй палітыкі дзяржаў - удзельніц дагавора аб стварэнні Саюзнай дзяржавы будзе разгледжаны на пасяджэнні Камісіі Парламенцкага сходу Саюза Беларусі і Расіі па пытаннях знешняй палітыкі. Мерапрыемства пройдзе 28 лютага ў Мінску, паведамілі БЕЛТА ў прэс-службе сходу.
Удзельнікі пасяджэння абмяркуюць пытанні, звязаныя з развіццём міжпарламенцкіх кантактаў, ажыццяўленнем дзейнасці па міжнародным назіранні за выбарчымі працэсамі ў краінах СНД і інфармацыйна-аналітычным забеспячэнні дзейнасці Парламенцкага сходу. Акрамя таго, будуць закрануты вынікі работы зімовай сесіі Парламенцкай асамблеі АБСЕ, а таксама выкананне бюджэту Саюзнай дзяржавы ў 2016 годзе.
Перад пачаткам работы камісіі адбудзецца сустрэча дэпутатаў Парламенцкага сходу са старшынёй Савета Рэспублікі Нацыянальнага сходу Беларусі Міхаілам Мясніковічам.
Акрамя саюзных парламентарыяў, у пасяджэнні прымуць удзел прадстаўнікі Пастаяннага камітэта Саюзнай дзяржавы і міністэрстваў замежных спраў Беларусі і Расіі.
версія для друку
зрабіць стартавай
дабавіць у выбранае